ബഹ്റിനിലെ ഇന്ത്യൻ സ്കൂൾ രക്ഷിതാക്കളുടെ കൂട്ടായ്മയായ ഐ എസ് പി ഫ് ലോഗോ പ്രകാശനം ചെയ്തു

ബഹ്റിനിലെ ഇന്ത്യൻ സ്കൂൾ രക്ഷിതാക്കളുടെ കൂട്ടായ്മയായ ഐ എസ് പി ഫിൻ്റെ ലോഗോ പ്രകാശനം ചെയ്തു.

ഡിസംബർ 8 നു നടക്കുന്ന എക്സിക്യൂട്ടീവ് പാനലിലേക്കുള്ള തിരഞ്ഞെടുപ്പിനു മുന്നോടിയായി നടത്തിയ വാർത്താസമ്മേളനത്തിൽ ISPF ജനറൽ കൺവീനർ ശ്രീധർ തേറമ്പിൽ മറ്റു ഭാരവാഹികളായ ചന്ദ്രബോസ്,ദീപക് മേനോൻ ,പ്രവീഷ് ,അനിൽ ഐസക് ,ജൈഫെർ മദനി ,എബ്രഹാം സാമുവേൽ ,ഷാജി കാർത്തികേയൻ ,പ്രമോദ് തുടങ്ങിയവർ ചേർന്ന് ISPF ലോഗോ പ്രകാശനം ചെയ്‌തു.

ഇന്ത്യൻ സ്കൂളിന്റെ സമഗ്ര പരിഷ്‌കരണത്തിനും,പക്ഷപാത രഹിതമായി,വിദ്യാർത്ഥികൾക്കും ,അദ്ധ്യാപകർക്കും മറ്റു അഡ്മിനിസ്ട്രേറ്റിവ് സ്റ്റാഫുകൾക്കും ഗുണകരമായ പല പദ്ധതികളും ആവിഷ്‌കരിക്കുന്നതിനും വേണ്ടിയായിരിക്കും ISPF നിലകൊള്ളുന്നതെന്ന് ISPF കോർ കമ്മിറ്റി തീരുമാനിച്ചതായും ഇതിനോട് സഹകരിച്ചുകൊണ്ട് മുന്നിൽ നിന്നു പ്രവർത്തിക്കാൻ എല്ലാ രക്ഷിതാക്കളോടും ഭാരവാഹികൾ അഭ്യർത്ഥിച്ചു.

മുൻപ് എക്സിക്യൂട്ടീവ് കമ്മിറ്റികളുടെ വിഭാഗിയ പ്രവർത്തന ഫലമായി അധ്യാപകർക്ക് നഷ്ടപെട്ട ആത്മവിശ്വാസം തിരികെകൊണ്ടുവരുക എന്നതും കാലഘട്ടത്തിനു അനുസരണമായി അവരുടെ പരിശീലനം,മെച്ചപ്പെട്ട വേതനം,ആരോഗ്യ ഇൻഷുറൻസ് സംവിധാനം എന്നിവ നടപ്പാക്കി സ്കൂളിന്റെ അക്കാഡമിക് നിലവാരം ഉയർത്തുക എന്നതാണ് പ്രധാന ലക്‌ഷ്യം

കൂടാതെ മെച്ചപ്പെട്ട പഠനമുറികൾ ,ഹൈജീനിക്കായ കാന്റീൻ,ഉയർന്ന നിലവാരത്തിലുള്ള വിശ്രമ മുറികൾ ,അഡ്മിസ്ട്രെറ്റിവ് സ്റ്റാഫുകൾക്കു അധികജോലിക്കുള്ള വേതനം,വിദ്യാർത്ഥികൾക്ക് സഞ്ചരിക്കാൻ ഉന്നത നിലവാരമുള്ള ബസ്സുകൾ,ജനറൽ ബോഡിയിൽ നടക്കുന്ന സംവാദങ്ങൾ സമൂഹത്തെക്കൂടി അറിയിക്കുന്നതിന് മാധ്യമങ്ങൾക്കു പ്രവേശനം തുടങ്ങി സ്കൂളിന്റെ വികസനത്തിന് തടസ്സമാവുന്ന നിയമങ്ങൾ പരിഷ്‌കരിക്കാൻ ,സ്കൂളിന്റെ ഭരണഘടനയിൽ വരുത്തേണ്ട മാറ്റങ്ങളെപ്പറ്റി ചർച്ചചെയ്യാൻ വിദ്ഗ്ധ സമിതിയുടെ രൂപീകരണം,പക്ഷപാതരഹിതമായി അർഹതയുള്ള എല്ലാ വിദ്യർത്ഥികൾക്കും അഡ്മിഷൻ തുടങ്ങി രക്ഷിതാക്കളുടെ മറ്റു ആവശ്യങ്ങൾ കേൾക്കാനും പരാതിപരിഹാരത്തിനും മറ്റുമായി സമിതികൾ,പരിചയസമ്പന്നരായ കൗൺസിലർമാരുടെ പാനൽ ഇവയെല്ലാം ISPF ലക്ഷ്യങ്ങളാണെന്നും ഭാരവാഹികൾ അറിയിച്ചു.

പരിചയ സമ്പന്നരും പ്രഗത്ഭരുമായ ഒരു പാനൽ ഉടൻതന്നെ അവതരിപ്പിക്കുമെന്നും എല്ലാ നല്ലവരായ രക്ഷിതാക്കളും സഹകരിക്കണമെന്നും ഭാരവാഹികൾ അഭ്യർത്ഥിച്ചു.

ലിൻസെൻ ,നിബു തോമസ് ,സുന്ദർ ,റെജികുമാർ ,ജയരാജ് കവിത പ്രേം ,സുനിത എസ് കുമാർ ,ഷെറിൻ ,മൂസ ഹാജി ,ബഷീർ അമ്പലായി,ജസ്റ്റിൻ രാജ് ,ജയശങ്കർ ,ഷെമിലി പി ജോൺ,നജീബ് കടലായി ,മനോജ്,രാജേഷ് ,റിതിൻ രാജ് ,പങ്കജ്‌നാഭൻ ,ബിജോയ് ,അജേഷ് ,സുനിൽ ,ഹലീൽ ,ഹക്കിം മിനേഷ് ,പ്രേം ,സുബായ ,പന്നീർ സെൽവം,കുമാർ തുടങ്ങിയവൾ പങ്കെടുത്തു.

Also Read » ഇന്ത്യൻ സ്കൂൾ നിസ്‌വയിലെ വിദ്യാർത്ഥികളേയും അധ്യാപകരെയും ഇന്ത്യൻ അസോസിയേഷൻ ആദരിച്ചു

Also Read » ഹരിപ്പാട് നിവാസികളുടെ കൂട്ടായ്മയായ ഹരിഗീതപുരം ബഹ്‌റൈന്റെ ഓണഘോഷം