അഞ്ജു ജോസഫ് | | 1 minute Read
എസ്എംസിഎ രജത ജൂബിലി സ്മാരക കാരുണ്യ ഭവന പദ്ധതിയുടെ ഭാഗമായി മാനന്തവാടി രൂപതയിലെ വഴിക്കടവ് മരുത സെന്റ് മേരിസ് ഇടവകയിൽ പ്ലാമൂട്ടിൽ ദൃശ്യാ രതീഷിന് വേണ്ടി നിർമ്മിച്ച അഞ്ചാം ഭവനത്തിന്റെ വെഞ്ചരിപ്പ് കർമ്മം നിർമ്മാണ ഏജൻസിയായ വയനാട് സോഷ്യൽ സർവീസ് സൊസൈറ്റിയുടെ ഡയറക്ടർ റവ. ഫാ. പൗലോസ് കൂട്ടാല നിർവഹിച്ചു.
ഭവനത്തിന്റെ താക്കോൽദാന കർമ്മം എസ്എംസിഎ പ്രതിനിധികളായി ചടങ്ങിൽ പങ്കെടുത്ത അബ്ബാസ്യ ഏരിയ സെക്രട്ടറി ദേവിഡ് ആന്റണി ചിറയത്ത്, എസ്.എം.സി.എ മുൻ പ്രസിഡണ്ടും എസ്എംസിഎകെ ആർഎഫ് ജോയിന്റ് സെക്രട്ടറിയുമായ ഡേവിസ് കൊളാട്ടുകൂടി, എസ്എംസിഎ മുൻ സെൻട്രൽ ട്രഷറർ വിൽസൺ ദേവസി വടക്കേടത്ത് എന്നിവർ ചേർന്ന നിർവഹിച്ചു.
രജത ജൂബിലി ഭവന പദ്ധതിയിലെ ആറാം ഭവനത്തിന്റെ ( രണ്ടാംഘട്ടത്തിലെ ഒന്നാം ഭവനത്തിന്റെ) ശിലാസ്ഥാപനം മാനന്തവാടി രൂപത അമരികുന്ന് സെന്റ് ജൂഡ് ഇടവകയിൽ ഇന്നു നടന്നു .
ഈ മഹനീയ ദൗത്യത്തിൽ ഉദാരമായി സംഭാവനകൾ നൽകി പങ്കുചേർന്ന എല്ലാ എസ്എംസിഎ കുടുംബാംഗങ്ങളെയും നന്ദിയും അർപ്പിക്കുന്നുവെന്നും ജനറൽ സെക്രട്ടറി അറിയിച്ചു
Also Read » ഇന്ത്യൻ അംബാസഡർ കുവൈറ്റ് ഫിഷറീസ് റിസോഴ്സസ് ഡയറക്ടർ ജനറലുമായി കൂടിക്കാഴ്ച്ച നടത്തി
English Summary : Smca Kuwait Constructed And Distributed The Keys And Performed The Ventilation Ceremony Of The Fifth House in Gulf