ഏ​ക​ദി​ന ക്രി​ക്ക​റ്റ് ലോ​ക​ക​പ്പ് ആവേശത്തിന് കൃ​ത്യം 30 നാ​ൾ മാത്രം ബാക്കി

2023ലെ ​ഏ​ക​ദി​ന ക്രി​ക്ക​റ്റ് ലോ​ക​ക​പ്പ് ആവേശത്തിന് ഒരു മാസം മാത്രമാണ് ബാക്കയുള്ളത് . ഇ​ന്ത്യ ഒ​റ്റ​ക്ക് ആ​ദ്യ​മാ​യി ആ​തി​ഥ്യ​മ​രു​ളു​ന്ന ടൂ​ർ​ണ​മെ​ന്റി​ൽ പ​ത്തു രാ​ജ്യ​ങ്ങ​ളാ​ണ് പ​ങ്കെ​ടു​ക്കു​ന്ന​ത്.

പ​ത്തു വേ​ദി​ക​ളി​ലാ​യി ന​ട​ക്കു​ന്ന മ​ത്സ​ര​ങ്ങ​ൾ ഒ​ന്ന​ര മാ​സം നീ​ളും. ഒ​ക്ടോ​ബ​ർ അ​ഞ്ചി​ന് അ​ഹ്മ​ദാ​ബാ​ദ് ന​രേ​ന്ദ്ര മോ​ദി സ്റ്റേ​ഡി​യ​ത്തി​ൽ 2019ലെ ​ചാ​മ്പ്യ​ന്മാ​രാ​യ ഇം​ഗ്ല​ണ്ടും റ​ണ്ണ​റ​പ്പാ​യ ന്യൂ​സി​ല​ൻ​ഡും ത​മ്മി​ലാ​ണ് ഉ​ദ്ഘാ​ട​ന പോ​രാ​ട്ടം.

ന​വം​ബ​ർ 19ലെ ​ഫൈ​ന​ലും മോ​ദി സ്റ്റേ​ഡി​യ​ത്തി​ലാ​ണ്. ഇ​ന്ത്യ, ഇം​ഗ്ല​ണ്ട്, ന്യൂ​സി​ല​ൻ​ഡ് ടീ​മു​ക​ൾ​ക്കു പു​റ​മെ അ​ഫ്ഗാ​നി​സ്താ​ൻ, ആ​സ്ട്രേ​ലി​യ, ബം​ഗ്ലാ​ദേ​ശ്, നെ​ത​ർ​ല​ൻ​ഡ്സ്, പാ​കി​സ്താ​ൻ, ദ​ക്ഷി​ണാ​ഫ്രി​ക്ക, ശ്രീ​ല​ങ്ക ടീ​മു​ക​ളും ലോ​ക കി​രീ​ടം തേ​ടി​യി​റ​ങ്ങും.

കൊ​ൽ​ക്ക​ത്ത ഈ​ഡ​ൻ ഗാ​ർ​ഡ​ൻ​സ്, മും​ബൈ വാ​ങ്ക​ഡെ സ്റ്റേ​ഡി​യം, ഡ​ൽ​ഹി ഫി​റോ​സ് ഷാ ​കോ​ട്‍ല സ്റ്റേ​ഡി​യം, അ​ഹ്മ​ദാ​ബാ​ദ് മോ​ദി സ്റ്റേ​ഡി​യം, ബം​ഗ​ളൂ​രു എം. ​ചി​ന്ന​സ്വാ​മി സ്റ്റേ​ഡി​യം, ചെ​ന്നൈ എം.​എ. ചി​ദം​ബ​രം സ്റ്റേ​ഡി​യം, ധ​ർ​മ​ശാ​ല എ​ച്ച്.​പി.​സി.​എ സ്റ്റേ​ഡി​യം, പു​ണെ എം.​സി.​എ സ്റ്റേ​ഡി​യം, ഹൈ​ദ​രാ​ബാ​ദ് രാ​ജീ​വ് ഗാ​ന്ധി സ്റ്റേ​ഡി​യം, ല​ഖ്നോ ഏ​ക​ന സ്റ്റേ​ഡി​യം എ​ന്നി​വ​യാ​ണ് വേ​ദി​ക​ൾ.

തി​രു​വ​ന​ന്ത​പു​രം കാ​ര്യ​വ​ട്ടം ഗ്രീ​ൻ​ഫീ​ൽ​ഡ് സ്റ്റേ​ഡി​യ​ത്തി​ലും ഗു​വാ​ഹ​തി അ​സം ക്രി​ക്ക​റ്റ് അ​സോ​സി​യേ​ഷ​ൻ സ്റ്റേ​ഡി​യ​ത്തി​ലും സ​ന്നാ​ഹ മ​ത്സ​ര​ങ്ങ​ളും ന​ട​ക്കും. റൗ​ണ്ട്-​റോ​ബി​ൻ ഫോ​ർ​മാ​റ്റി​ലാ​യി​രി​ക്കും മ​ത്സ​ര​ങ്ങ​ൾ. പ്രാ​ഥ​മി​ക റൗ​ണ്ടി​ൽ​ത്ത​ന്നെ ഓ​രോ ടീ​മും പ​ര​സ്പ​രം ഏ​റ്റു​മു​ട്ടും. കൂ​ടു​ത​ൽ പോ​യ​ന്റ് നേ​ടു​ന്ന നാ​ലു ടീ​മു​ക​ൾ സെ​മി ഫൈ​ന​ലി​ൽ ക​ട​ക്കും.

2011ലാ​ണ് ഇ​ന്ത്യ ഉ​പ​ഭൂ​ഖ​ണ്ഡ​ത്തി​ൽ ഇ​തി​നു​മു​മ്പ് ഏ​ക​ദി​ന ലോ​ക​ക​പ്പ് അ​ര​ങ്ങേ​റി​യ​ത്. അ​ന്ന് ശ്രീ​ല​ങ്ക​യെ തോ​ൽ​പി​ച്ച് ഇ​ന്ത്യ ജേ​താ​ക്ക​ളാ​യി.

Also Read » ലോകകപ്പ് ക്രിക്കറ്റിന്റെ രണ്ടാം സെമി : ദക്ഷിണാഫ്രിക്ക ഇന്ന് ഓസ്ട്രേലിയയെ നേരിടും

Also Read » സഞ്ജു സാംസണ് മുന്നിൽ ഇന്ത്യൻ ടീമിന്റെ വാതിലുകൾ അടഞ്ഞിട്ടില്ലെന്ന് അജിത് അഗാർക്കർ