മലപ്പുറം ജില്ലാ അത്ലറ്റിക്സ് ചാമ്പ്യൻഷിപ്പ് : 240 പോയിൻ്റുകളുമായി കടകശ്ശേരി ഐഡിയൽ സ്കൂൾ ഒന്നാം സ്ഥാനത്തേക്ക്

തേഞ്ഞിപ്പലം: അൻപത്തി മൂന്നാമത് ജില്ലാ ജൂനിയർ അത്ലറ്റിക്സ് ചാമ്പ്യൻഷിപ്പ് കാലിക്കറ്റ് യൂനിവേഴ്സിറ്റി സ്റ്റേഡിയത്തിൽ തുsക്കമായി.

അണ്ടർ 14, അണ്ടർ16, അണ്ടർ18, അണ്ടർ20 എന്നീ കാറ്റഗറികളിലായി നൂറ്റി പതിനാറ് ഫൈനൽ മൽസരങ്ങളിൽ 51 ഫൈനൽ മത്സരങ്ങൾ കഴിഞ്ഞപ്പോൾ 240 പോയിൻ്റുകളുമായി കടകശ്ശേരി ഐഡിയൽ സ്കൂൾ ഒന്നാം സ്ഥാനത്തേക്ക് കുതിക്കുന്നു.

183 പോയിൻ്റ് കരസ്ഥമാക്കി സ്പോർട്സ് അക്കാദമി കാവനൂർ 96.5 പോയിൻ്റുമായി കെ എച്ച് എം എച്ച് എസ് എസ് ആലത്തിയൂർ രണ്ടും മൂന്നും സ്ഥാനങ്ങളിലുണ്ട്.

കാലത്ത് 8 മണിക്ക് അത്ലറ്റിക്സ് അസോസിയേഷൻ ജില്ലാ എക്സിക്യുട്ടീവ് വൈസ് പ്രസിഡണ്ട് വിപി മുഹമ്മദ് കാസിം പതാക ഉയർത്തിയതോടെയാണ് മീററിന് തുടക്കമായത്

മലപ്പുറം ജില്ലയിലുള്ള വിവിധ സ്കൂളുകളിൽ നിന്നും ക്ലബ്ബുകളിൽ നിന്നുമായി ഏകദേശം ആയിരത്തി ഇരുനൂറിൽപരം അത് ലറ്റുകൾ മത്സരങ്ങളിൽ മാറ്റുരക്കുന്നുണ്ട്

ഈ മാസം 28 മുതൽ ഒക്ടോബർ 2 വരെ നടക്കുന്ന സംസ്ഥാന ജൂനിയർ അത്ലറ്റിക്സ് ചാമ്പ്യൻഷിപ്പിലേക്കുള്ള 'താരങ്ങളെ ഈ മൽസരത്തിൽ നിന്നാകും സെലക്റ്റ് ചെയ്യുക

ഇന്ന് (21-വ്യാഴം) വൈകിട്ട് 5 മണിക്ക് നടക്കുന്ന സമ്മാനദാന ചടങ്ങിൽ കാലിക്കറ്റ് യൂനിവേഴ്സിറ്റി റജിസ്ട്രാർ ഡോ: ഇ കെ സതീഷ്,അത് ലറ്റിക്സ് ഫെഡറേഷൻ ഓഫ് ഇന്ത്യ മെമ്പർ ഡോ: സക്കീർ ഹുസൈൻ, ജില്ലാ അതിലേറ്റിക്സ് അസോസിയേഷൻ പ്രസിഡന്റ് മജീദ് ഐഡിയൽ, അത് ലറ്റിക്സ് അസോസിയേഷൻ ജില്ലാ വൈസ് പ്രസിഡണ്ട് ഷാഫി അമ്മായത്ത്, കെ അബ്ദുൽ കാദർ തുടങ്ങിയവർ സംബന്ധിക്കും

Also Read » 'മലപ്പുറം പെരുമ' സീസൺ 05 ; 'മലപ്പുറം; ബഹുസ്വരതയുടെ സ്നേഹ തീരം' പ്രഭാഷണം ഡിസംബർ 01 വെള്ളിയാഴ്ച

Also Read » കെ.എം.സി.സി. ഖത്തർ മലപ്പുറം ജില്ല കമ്മറ്റിയുടെ 'മലപ്പുറം പെരുമ' സീസൺ-5 ഡിസംബർ 01 മുതൽ 24 വരെ